Реализирани серија на јавни настани за промоција на Дигиталната платформа за младинско учество iniciraj.mk  

Коалиција на младински организации СЕГА реализира серија на јавни настани за промоција на Дигитална платформа за младинско учество „Иницирај“ во Битола, Охрид, Гевгелија и Куманово. Јавните настани беа организирани во периодот од октомври 2023 до мај 2024 година.

Платформата iniciraj.mk нуди алатки за дигитално учество кои им овозможуваат на локалните власти, граѓанските организации и институциите да иницираат консултативни процеси и активно да ги вклучат младите во процесите на донесување одлуки.

На јавните настани беше презентиран прирачник за детална употреба на интерактивната платформа за организации и корисници со цел да се обезбеди активно дигитално и демократско учество на младите во локалната заедница.

Коалиција СЕГА обезбеди менторска поддршка за организациите и институциите при понатамошна примена на интерактивната платформа.

СЕГА ја креираше iniciraj.mk преку проектот „Младинско учество за силен и одржлив развој на заедницата″ со поддршка од Европската Унија.